Emrat e mëdhenj të inteligjencës artificiale janë të përkushtuar për të kufizuar mashtrimet elektorale, sipas gazetës amerikane ”The Washington Post”. ”Kjo do të arrihet nëpërmjet zhvillimit të teknologjisë, e aftë për të identifikuar dhe kontrolluar fotot, videot dhe regjistrimet e ndryshme që synojnë të mashtrojnë votuesit, në prag të zhvillimit, këtë vit, të zgjedhjeve në shumë vende”, shton ”The Washington Post”. ”Sidoqoftë, marrëveshja e arritur ndërmjet Google, Microsoft, Meta, OpenAI, Adobe dhe TikTok nuk ndalon përmbajtjen mashtruese politike të IA. Marrëveshja është një lloj manifesti në të cilin thuhet se përmbajtja e krijuar nga IA paraqet rrezik për zgjedhjet dhe mënyrat për të zbutur këtë rrezik janë identifikuar”, thekson gazeta. “Krijimi dhe shpërndarja vullnetare e përmbajtjes mashtruese zgjedhore të prodhuara nga IA mund të jenë të rrezikshme për publikun dhe vënë në pikëpyetje integritetin e gjykimeve elektorale”, thuhet në marrëveshjen mes emrave të mëdhenj të teknologjisë.
