Presidenti francez, Emmanuel Macron tha të enjten se do të vazhdojë dialogun me Rusinë për të ndihmuar në parandalimin e një përshkallëzimi të luftës në Ukrainë, por premtoi mbështetjen e palëkundur të Parisit për Kievin, duke parashikuar se lufta do të zgjasë. Në të kaluarën, Macron ka marrë kritika nga Ukraina dhe aleatët e Evropës Lindore për dialogun e tij të përsëritur me presidentin rus Vladimir Putin. “Duhet të jemi të përgatitur për një luftë të gjatë”, u tha Macron ambasadorëve francezë të cilëve u përshkroi qëllimet e tij të politikës së jashtme. Siç tha presidenti francez, vendi i tij do të vazhdojë mbështetjen afatgjatë ekonomike dhe ushtarake të Kievit dhe ofrimin e ndihmës humanitare, por paralajmëroi se një nga sfidat më të mëdha është sigurimi i unitetit evropian kundër Rusisë. “Uniteti evropian është thelbësor sepse ndarja është një nga qëllimet e luftës ruse. Dialogu me Moskën është i domosdoshëm për të shmangur një përshkallëzim të konfliktit dhe përfundimisht për të vendosur kushtet për një paqe të negociuar, të cilën vetëm Ukraina mund ta vendosë. Franca do të vazhdojë të bisedojë me Rusinë”, tha Macronhttps://lajme.rtsh.al/artikull/macron-do-vazhdojme-dialogun-me-rusine-me-rendesi-parandalimi-i-nje-pershkallezimi-te-luftes-ne-ukraine
- Advertisment -