Lindner: Jepini fund ëndrrës për heqjen e qymyrit deri në 2030

Ministri gjerman i Financave, Christian Lindner ka vënë në pikëpyetje aftësinë e Gjermanisë për të hequr gradualisht qymyrin si burim energjie deri në vitin 2030, një objektiv i përshkruar në marrëveshjen e koalicionit të qeverisë dy vjet më parë. ”Për sa kohë që nuk është e qartë se energjia është e disponueshme dhe e përballueshme, ne duhet të ndalojmë së ëndërruari për një ndërprerje të qymyrit në vitin 2030”, tha ministri për gazetën ”Kölner Stadt-Anzeiger”. Në marrëveshjen e tyre të koalicionit, socialdemokratët e kancelarit Olaf Scholz, të Gjelbrit dhe Demokratët e Lirë (FDP) pro-biznesit të Lindnerit kishin rënë dakord që “në mënyrë ideale” të çonin përpara largimin e vendit nga qymyri nga viti 2038 në 2030. Lindner dëshiron që Gjermania të mbështetet më shumë në gazin natyror me burim vendas. “Prodhimi i gazit në vend duhet të intensifikohet”, tha ai. Përveç kësaj, tha ai, zgjerimi i energjive të rinovueshme duhet të bëhet i mundur më shpejt.