“Partizani” do të përballet me ekipin bjellorus të “Bate Borisov”, në kuadër të turnit të parë eliminator të Ligës së Kampionëve. Në shortin e hedhur sot në Nion të Zvicrës, janë përcaktuar dhe përballjet e turnit të parë të Ligës së Kampionëve për sezonin 2023-2024. “Partizani” kampion i Shqipërisë, pritet të luajë në 11 ose 12 korrik në Tiranë përballë skuadrës bjelloruse “Bate Borisov”, ndërsa ndeshjen e kthimit do ta luajë në transfertë, në datën 18 ose 19 korrik. Kjo sfidë nuk duket aspak e lehtë për të kuqtë, të cilët do të gjejnë në rrugëtimin e tyre një skuadër, e cila është në formë të mirë për faktin se aktualisht janë në aktivitet, pasi është java e 11 e kampionatit. Pas shortit ka reaguar dhe klubi kryeqytetas. “BATE Borisov”, kampionia e Bjellorusisë, do të jetë kundërshtari ynë në turin e parë eliminator të Ligës së Kampioneve. Ndeshjet e këtij turi do të luhen në 11-12 dhe 18-19 korrik”, njofton zyra e shtypit e klubit “Partizani”, në rrjetet sociale ndjekësit e saj. atsh
- Advertisment -