Ylli polak i Barcelonës, Robert Lewandowski është nderuar me çmimin “Këmba e Artë” 2022 në një ceremoni të organizuar në Monako. Përpara se të merrte çmimin prestigjioz në Forumin Grimaldi të mërkurën, futbollistit 34-vjeç, Lewandowski-t iu modelua gjurma e shputës së tij. “Jam shumë i lumtur. Jam shumë krenar. Ndërsa për mua, është një nder i madh të fitoj çmimin ‘Këmba e Artë’. Është një njohje për gjithçka që jam duke bërë dhe kam bërë. E di sa shumë është dashur të punoj për këtë”, tha Lewandowski në një video para ceremonisë. “Gjithashtu, ajo që është e rëndësishme në jetën tonë është se ne po përpiqemi të bëjmë dhe të jemi më të mirët”, tha ai. Lewandowski, sulmuesi i mëparshëm i Bayern Mynihut që e ndihmoi atë të fitonte tituj të shumtë në Bundesligën gjermane, në vitin 2020 fitoi trofeun e Ligës së Kampionëve të UEFA-s me ish klubin e tij. Në korrik të këtij viti ai u largua nga Bayerni për t’u bashkuar me Barcelonën. Gjithashtu të mërkurën, strategu turk Fatih Terim, i cili më parë drejtoi kombëtaren e Türkiye-s, klubin turk Galatasaray, klubet italiane Fiorentina dhe AC Milan, fitoi çmimin “Këmba e Artë” në kategorinë e legjendave. Terim arriti të fitojë Kupën UEFA 2000 me Galatasaray-in dhe fitoi 8 tituj të nivelit të lartë në Super Ligën turke si trajner. Ai drejtoi Türkiye-n në Kampionatin Evropian UEFA 1996, 2008 dhe 2016. Türkiye e udhëhequr nga Terim luajti në gjysmëfinale të Kampionatit Evropian EURO 2008. “Këmba e Artë” është një çmim prestigjioz ndërkombëtar që u jepet figurave dhe lojtarëve të futbollit për arritjet dhe personalitetin e tyre sportiv dhe mund të ndahet vetëm një herë.ATA
- Advertisment -