Lëndë të dëmshme te patatinat e misrit, AKU masa për bllokimin e produktit

Autoriteti Kombëtar i Ushqimit njofton konsumatorët se ka marrë të gjitha masat për bllokimin e patatinave të misrit “Natural Organic Tortilla Chips 125 g”, pasi është konstatuar prania e alkaloidëve atropinë dhe skopolaminë. Autoriteti Kombëtar i Ushqimit në njoftimin për shtyp bën të ditur se “referuar njoftimit të ardhur nga sistemi RASFF, ku pas analizave laboratorike të kryera në Gjermani është konstatuar prani e alkaloidëve atropinë dhe skopolaminë në patatina misri “Natural Organic Tortilla Chips 125 g”. Gjithashtu Autoriteti Kombëtar i Ushqimit njofton se ka ndërmarrë të gjitha masat e nevojshme për bllokimin e produktit. “Në bashkëpunim edhe me operatorët e biznesit ushqimor, janë kryer njoftimet paraprake për thirrjen për konsumatorët që e kanë blerë këtë produkt që të mos e konsumojnë atë, por ta kthejnë pranë subjektit, ku e kanë blerë”, thuhet në njoftimin e AKU-së.https://ata.gov.al/2022/07/29/konstatohen-lende-te-demshme-te-patatinat-e-misrit-aku-masa-per-bllokimin-e-produktit/