​Kurti: Letër sqaruese vendeve aleate pas takimit të Brukselit

Kryeministri i Kosovës, Albin Kurti tha se pas takimit në Bruksel u ka dërguar letër sqaruese vendeve aleate të Kosovës. Ai tha se një ditë pas dështimit të arritjes së dakordimit për zbatim të marrëveshjes bazike Kosovë-Serbi u ka dërguar letër Berlinit, Parisit dhe Uashingtonit. Kurti në konferencë për medie kërkoi edhe largimin e masave ndëshkuese ndaj Kosovës, derisa tha se të njëjtat janë të ndërlidhura me situatën në veri dhe jo për zbatimin e marrëveshjes bazë.