Ministria e Shëndetësisë së Kosovës në përditësimin e situatës së pandemisë në 24 orët e fundit njoftoi se nuk ka pasur humbje jete dhe se janë shënuar 393 raste të reja me COVID-19. Rastet e reja rezultuan nga 1230 testime të kryera në institucionet shëndetësore. 928 persona që kanë fituar betejën me COVID-19. Numri i përgjithshëm i të shëruarve deri më tani ka arritur në 257.510, ndërsa numri i rasteve aktive është 5.992. Sa i përket procesit të vaksinimit, në 24 orët e fundit janë dhënë 7 doza ndërsa prej fillimit të vaksinimit në të gjitha qytetet e Kosovës janë dhënë 1.834.964 doza të vaksinës. Deri më sot 824.324 qytetarë janë vaksinuar me dozën e dytë.
