I konsideruar si Ballkoni i Shqipërisë, me një lartësi 1110 m, Mali i Krujës të ofron një pamje mbresëlënëse të Adriatikut, territorit nga Mali i Zi deri në Malin e Tomorit. Në këtë mal u hap teqeja e parë në vend e ku sot kujtohen veprat e të shenjtit Sari Salltiku.
Në një ngjitje me një lartësi prej 600 metrash nga qyteti i Krujës, shoqërohesh nga gojëdhënat për gurët e shenjta, të fshehtat e shpellave që janë përgjatë kalldrëmit, ku brenda saj gjen masive të stalagtiteve mijëravjeçarë.
