Presidenti ukrainas Volodymyr Zelensky ka kritikuar ashpër arkitekturën e sigurisë në botë si tërësisht të papërshtatshme, duke vënë në dukje jo vetëm luftën në vendin e tij, por edhe konfliktet në Ballkan, Tajvan dhe Kaukaz. ”Të gjitha këto situata duken të ndryshme, megjithatë ato janë të bashkuara nga një faktor, ai që arkitektura globale e sigurisë nuk funksionoi”, tha Zelensky në fjalimin e tij të përditshëm me video të mërkurën në mbrëmje, ku akuzoi edhe një herë Rusinë për shkelje të ligjit ndërkombëtar në pushtimi i paprovokuar i Ukrainës. Zelensky e quajti vitin 2014 një “pikë kthese”, pas së cilës komuniteti ndërkombëtar thjesht e la Rusinë të bënte me veprime të paligjshme si aneksimi i Krimesë ose rrëzimi i fluturimit 17 të ”Malaysia Airlines” mbi rajonin e Donbasit në Ukrainën Lindore. ”Lufta në Ukrainë tregoi se sa e brishtë ishte liria”, tha Zelensky, duke shtuar se ”botës i duhet një arkitekturë efektive globale e sigurisë që siguron që asnjë shtet nuk mund të përdorë më terrorin kundër një shteti tjetër”. Zelensky gjithashtu akuzoi Rusinë se pretendon vetëm se është e hapur për negociatat e paqes duke shtuar se nëse Moska do vërtet një zgjidhje paqësore të konfliktit, ajo aktualisht nuk do të rigrupohej në Ukrainën Jugore.https://ata.gov.al/2022/08/04/kiev-zelensky-kritikon-arkitekturen-globale-te-sigurise/
- Advertisment -