Banka e Shqipërisë bën të ditur se kredia me probleme u rrit në nivelin 5.23% në muajin maj. Krahasuar me muajin prill të këtij viti, kredia me probleme në muajin maj, u rrit me 0.05% Sipas BSH-së, në maj ky tregues ka shënuar nivelin më të lartë që nga korriku 2022, duke reflektuar, rritjen e interesave dhe inflacionin e lartë, si faktor që kanë ngadalësuar kthyerjen e huave që individët kanë marrë në banka. Në analizën e saj, BSH-ja vëren se, interesat e kredive kanë qenë në rritje deri në mars, si rrjedhojë e politikës monetare shtrënguese të ndjekur nga Banka e Shqipërisë, që e ka rritur normën bazë disa herë që nga marsi i 2022-t, duke e çuar në 3% aktualisht nga 0.5% që ishte mbi një vit më parë. Kjo tendencë u reflektua në shtrenjtimin e interesave të kredive e për rrjedhojë dhe të kësteve mujore që paguhen nga bizneset dhe individët. Gjithashtu në maj inflacioni iu rikthye tendencës së lehtë rritëse, pas gjashtë muajsh kur kishte shfaqur vetëm tendenca ngadalësimi. Banka e Shqipërisë bën të ditur se, në përgjigje të këtyre treguesve, kredia për sektorin privat vijon të rritet dhe shëndeti financiar i sektorit bankar sugjeron se ky sektor do të jetë i aftë të vazhdojë ti përgjigjet kërkesave të ekonomisë për fonde. atsh
- Advertisment -