Komisioni i Mbrojtjes miraton blerjen e helikopterëve “Chinook”

Komisioni i Mbrojtjes i Parlamentit Gjerman ka dhënë dritën jeshile për blerjen e 60 helikopterëve të rëndë transportues për forcat e armatosura të Bundeswehr-it, me vlerë miliarda euro, në një takim në Berlin. Shumica e anëtarëve të komitetit votuan në favor të prokurimit të helikopterëve “Boeing CH-47F Chinook”. Helikopterët do të bëhen “kalë pune” për Bundeswehr-in, të përdorur për transportin e shpejtë ajror të automjeteve, materialeve dhe ushtarëve. Ata janë të rëndësishëm për mbrojtjen kombëtare dhe të aleancës së NATO-s, por edhe për misionet jashtë vendit. Helikopterët e parë do të dorëzohen në vitin 2027. Sipas dokumentit të vendimit, kërkesat totale financiare të projektit arrijnë në rreth 7,2 miliardë euro (7,8 miliardë dollarë). Rreth 750 milionë euro shtesë do të nevojiten për të përshtatur infrastrukturën ushtarake për funksionimin e helikopterëve. Kjo do të përfshijë ndërtimin e ndërtesave dhe hangarëve të rinj, përshtatjen e zonave të operacioneve të fluturimit dhe zgjerimin e depove ekzistuese të karburantit. atsh