Ambasadori i Britanisë së Madhe, Alastair King-Smith u takua sot me deputetë të Grupit të Miqësisë mes Mbretërisë së Bashkuar dhe Shqipërisë në Kuvendin shqiptar. Në takim u diskutua komunikata e dy kryeministrave të shpallur dje për bashkëpunimin dypalësh në fushat me interes të përbashkët. Ambasadori King-Smith informoi se “në takim u diskutua gjithashtu se si t’i trajtojmë së bashku sfidat tona të përbashkëta, duke përfshirë emigracionin e paligjshëm, sigurinë, prosperitetin dhe arsimin”. “Rikonfirmova mbështetjen e Mbretërisë së Bashkuar për demokracinë parlamentare në Shqipëri duke filluar nga vitin 2023 dhe ramë dakord për një program shkëmbimesh parlamentare”, tha ambasadori Alastair King-Smith.https://ata.gov.al/2022/12/14/king-smith-takim-me-deputete-adresim-sfidave-te-perbashketa/
- Advertisment -