Kina regjistron rënie të theksuar të import-eksporteve

Eksportet dhe importet e Kinës, ekonomisë së dytë të botës, ranë në fund të vitit, treguan të dhënat zyrtare. ”Eksportet shënuan një rënie vjetore prej 9,9% në dhjetor, pothuajse në përputhje me parashikimin e ekonomistëve për një rënie prej 10,0%”, tregojnë të dhënat e publikuara nga Administrata e Përgjithshme e Doganave. Në të njëjtën kohë, importet u ulën me 7,5% gjatë vitit të kaluar, krahasuar me rënien e pritur prej 9,8%. Si rezultat, bilanci tregtar tregoi një suficit prej 78 miliardë dollarësh. Kjo rënie ishte më e madhe se parashikimi prej 76,2 miliardë dollarësh. ”Importet dhe eksportet totale të mallrave arritën një rekord prej 42,07 trilion juanë (6,25 trilionë dollarë) në vitin 2022”, deklaroi Zyra Doganore. ATA