E vërteta është se ju jeni të sigurt nga ‘thyerja e zemrës’ nëse nuk bini kurrë në dashuri. Por kush nuk do donte të dashuronte kurrë në fakt?
Në javët e para pas ndarjes, miqtë mund të pyesin: A je mirë? A ke nevojë për ndonjë gjë? Dhe a do ishte një ide e mirë të shihni sërish Titanic?
Diskutimi më i madh është se kur duhet të rifillosh një njohje apo të nisësh takimet me dikë tjetër për t’u rilidhur. Disa nxitojnë për të harruar dhe të tjerë në fakt zhyten në dëshpërim dhe kalojnë shumë kohë për të rimarrë veten nga dhimbja e shkaktuar nga ndarja.
Por si duhet?
Ekspertët thonë se çdo situatë është e ndryshme dhe kështu, afatet kohore në të cilat ndiheni gati të dilni dhe të njihni një tjetër person do të ndryshojnë gjithashtu. Megjithatë, ka një gjë që ata kërkojnë; bëni ‘punën e brendshme’ përpara se të kërkoni partneritet, të shëroheni shpirtërisht.
“Për të vendosur nëse jeni gati të dilni, është e rëndësishme të kuptoni qëllimet dhe motivimet tuaja”, thotë terapisti i seksit dhe marrëdhënieve Rhian Kivits teksa shton: “Kini parasysh sa energji dhe kohë emocionale keni për takime dhe jepni përparësi mirëqenies suaj.
“Nëse takimi në fakt ju largon nga shërimi i dhimbjes dhe të punoni me veten pas një ndarje, atëherë mund të mos jetë një ide aq e mirë. Kjo ndodh sepse kur një marrëdhënie përfundon, mund të jetë shumë e dobishme të reflektoni mbi atë që keni mësuar për veten dhe sjelljet tuaja në marrëdhënie, në mënyrë që të mos vazhdoni të përsërisni modelet. Ekziston rreziku që takimi shumë shpejt mund t’ju çojë drejt më shumë zhgënjimit dhe dhimbjes. Nëse do të përfitonit nga puna për veten tuaj, nuk është e mençur të hidheni përsëri në pishinën e takimeve shumë shpejt.’
Megjithatë, Rhian thekson se qëndrimi larg takimeve për një kohë të gjatë mund të jetë një pengesë dhe të krijojë një ndjenjë ankthi në marrëdhënie që nuk do t’ju ndihmojë në planin afatgjatë. Nëse është kështu, mund t’ju duhet pak shtytje në drejtimin e duhur ose udhëzime se si të mos keni frikë nga ri-njohjet.
“Nga ana tjetër, nëse nuk keni filluar ende takimin dhe jeni të shqetësuar se po e lini shumë gjatë, mund të jetë koha të reflektoni për atë që ju pengon. Nëse keni frikë se mos lëndoheni ose nuk mund ta lëshoni ish-in tuaj, mund të konsideroni të bëni një terapi për t’i trajtuar këto çështje. Mund t’ju duhet pak më shumë për të përpunuar ndarjen, gjë që është okej pasi të gjithë ne shërohemi nga thyerja e zemrës me ritme të ndryshme dhe ky udhëtim nuk është i thjeshtë apo linear. Megjithatë, mos u mbyll as në vetvete. Në vend të kësaj, kërkoni ndihmë për të trajtuar ankthin tuaj të takimeve dhe marrëdhënieve, në mënyrë që të ndiheni të sigurt për të ecur përpara me jetën tuaj. Mos e mbyll derën për dashurinë dhe lidhjen përgjithmonë.”
