Kërcënimi bërthamor iranian më i avancuar se kurrë më parë

Sekretari i Jashtëm britanik, James Cleverly ka paralajmëruar se kërcënimi nga programi bërthamor i Iranit është “më i avancuar se kurrë më parë”. Duke iu drejtuar sot një konference ndërkombëtare të sigurisë në Bahrein, ai akuzoi regjimin e Teheranit për përhapjen e “gjakderdhjes dhe shkatërrimit” në mbarë botën. Ai paralajmëroi se armët e furnizuara nga Irani po kërcënojnë sigurinë në Lindjen e Mesme dhe më gjerë, duke vënë në dukje se dronët sulmues të prodhuar nga Irani që përdoren nga Rusia për të synuar infrastrukturën civile të Ukrainës janë një shembull i ndikimit të kësaj. “Britania e Madhe është e vendosur të punojë së bashku me miqtë tanë për të kundërshtuar kërcënimin iranian, për të penguar kontrabandën e armëve konvencionale dhe për të parandaluar regjimin nga marrja e një aftësie për armë bërthamore”, deklaroi Cleverly.https://ata.gov.al/2022/11/19/fokus-bm-kercenimi-berthamor-iranian-me-i-avancuar-se-kurre-me-pare/