Një ekip astronomësh nga Universiteti i Arizonës ka kapur imazhe befasuese të dy planetëve të vegjël, ose “protoplaneteve”, në sistemin yjor PDS 70, i vendosur 370 vite dritë larg nga sistemi ynë diellor në yjësinë Centaurus, shkruan focus.it.
Këto imazhe të paprecedentë, të marra duke përdorur instrumentin e avancuar ”Magellan Adaptive Optics Xtreme” (MagAO-X) së bashku me teleskopin 6,5 metra ”Magellan” në observatorin ”Las Campanas” në Kili, ofrojnë një paraqitje të shkurtër se si formohen planetët dhe sistemet e tyre hënore.
Ylli PDS 70, rreth të cilit orbitojnë dy protoplanetët, është një yll që është rreth 5 milionë vjeçar, një ”foshnjë” në krahasim me moshën 4,6 miliardë vjeçare të sistemit tonë diellor.
Astronomët besojnë se miliarda vjet më parë, sistemi ynë diellor i ngjante një versioni miniaturë të sistemit PDS 70.
Imazhet e kapura tregojnë se protoplanetët, të quajtur PDS 70 b dhe PDS 70 c, janë ende të rrethuar nga unaza gazi dhe pluhuri, mbetje të diskut protoplanetar nga i cili po formohen.
“Planetet masive veprojnë si fshesa apo fshesa me korrent”, thotë Laird Close, profesor i astronomisë në observatorin ”Steward”.
“Ato në thelb thithin ose shpërndajnë pluhurin dhe pastrojnë hapësirën e madhe që shohim në këtë disk gazi dhe pluhuri që rrethon yllin”, shton ai.
