Fermerët shqiptarë dhe sipërmarrësit e agrobiznesit vijojnë të përfitojnë mbështetje me fonde nga skema e IPARD II. Agjencia për Zhvillim Bujqësor dhe Rural, (AZHBR) bën të ditur se, investimet e qëndrueshme janë qëllimi kryesor i programit IPARD-II. Ku përmes fondeve të Bashkimit Evropian dhe Qeverisë Shqiptare, ndërtohet një infrastrukturë e re dhe moderne për të konkurruar në tregun ndërkombëtar me prodhimet shqiptare cilësore. AZHBR publikoi sot në rrjete sociale foto nga një investimi i ri, në kantinën e verës në Patos, që është financuar nga programi IPARD-II, i cili është një nga shembujt e standardizimit të prodhimit bujqësor, me teknologjinë evropiane të përpunimit të verës. Bledari, sipërmarrës i këtij biznesi, pas një eksperience jashtë vendit, vendosi të ngrejë një kantinë në vendin e tij të lindjes, duke vazhduar traditën e të atit. Ai është përfitues i thirrjes së dytë, IPARD-II dhe tani zotëron një sipërfaqe prej 310 m2 të mbjellë me vreshta, teksa prodhon verë nga kantina e tij, në një kapacitet prej 36,000 litrash, përmes pajisjeve të përpunimit dhe ambalazhimit të teknologjisë bashkëkohore. Përmes financimeve të AZHBR dhe Ministrisë së Zhvillimit Bujqësor dhe Rural, në Shqipëri janë rritur kapacitet përpunuese dhe magazinuese, si dhe sasia e eksportit ndër vite.https://ata.gov.al/2022/09/15/kantina-e-veres-ne-patos-shembull-i-standardizimit-te-prodhimit-bujqesor/
- Advertisment -