Pas miratimit të qeverisë izraelite, 14 kamionë me ndihma humanitare kaluan dje në mbrëmje nga Egjipti në Gaza përmes vendkalimit Rafah, pasi u inspektuan nga sigurimi izraelit.
“Kamionët përmbanin ujë, ushqim dhe ilaçe të siguruara nga OKB-ja për palestinezët e zhvendosur në jug të Rripit”, tha zëdhënësi ushtarak Daniel Hagari.
“Izraeli do të sigurojë që kjo ndihmë të mos përfundojë në duart e Hamasit”, shtoi ai.
Gjithashtu Hagari konfirmoi se Izraeli vazhdon të kundërshtojë furnizimin me karburant për Gazen.
