Kryeministrja e Estonisë Kaja Kallas paralajmëroi kundër dezinformimit të synuar të Rusisë në luftën në Ukrainë. “Fushata ruse synon të dekurajojë vendimmarrësit dhe korporatat demokratike që të mbështesin Ukrainën, duke provokuar ndarje të brendshme politike dhe duke ndikuar në votat demokratike, duke përfshirë vendimet që marrim në qendrat tona të votimit”, shkroi Kallas në një koment. ”Fushata e dezinformimit të Kremlinit arrin një audiencë të madhe përmes mediave sociale. Gracka më e fundit e dezinformimit rus është të na bëjnë të besojmë se mbështetja e Ukrainës është një kauzë e pashpresë, se ne jemi të parët që lodhemi. Ne mund të vërtetojmë të kundërtën”, vazhdoi Kallas. ”Nga frika, disa argumentuan se mbështetja e Ukrainës në mbrojtjen e saj kundër agresionit do të thoshte përshkallëzim. Përgjigjja ime është mbrojtja nuk është një provokim. Rezistenca nuk provokon Rusinë, dobësia po”, shtoi ajo. ”Që nga pushtimi, numri i abonentëve në llogaritë e mbështetura nga Kremlini është trefishuar në Telegram dhe më shumë se dyfishuar në Tiktok”, shtoi ajo
