Ndërsa Teksasi po përballet me zjarrin më të madh në historinë e tij, Kalifornia dhe Nevada po përballen me një stuhi të fortë bore që ka lënë mijëra njerëz pa energji elektrike. Rajoni malor i Sierra Nevadës është prekur veçanërisht nga stuhitë. Shpejtësia maksimale e erës ishte 305 kilometra në orë, ndërsa autoritetet paralajmëruan për rrezikun e një orteku në zonën e Liqenit Tahoe, ku vendpushimet e skive u mbyllën.
Parku Kombëtar Yosemite është mbyllur gjithashtu për publikun. Meteorologët i kanë kërkuar popullatës të qëndrojë brenda gjatë gjithë fundjavës. Më shumë se 33 000 banorë në Nevada dhe pothuajse 24 000 në Kaliforni mbetën në errësirë.
