ITALI – Pesë të zhdukur pas shirave të dendur 

Pesë persona janë shpallur te zhdukur në komunën veriore të Italisë, Bardonecchia, në perëndim të Torinos, pasi shiu i madh shkaktoi rrëshqitje dheu dhe të tokës mëngjesin e sotëm. “Rreth 120 persona janë evakuar”, njoftuan sot agjencitë e lajmeve ANSA dhe Adnkronos. Per shkak te shiut te dendur dhe rrëshqitjes se dheut në qytetin e rajonit të Piemontes, një përrua doli nga brigjet e tij. Zjarrfikësit italianë raportuan dëme të mëdha në qendër të qytetit jo shumë larg kufirit me Francën. “Gjashtë persona në një shtëpi të lëvizshme të përmbytur nga uji dhe balta gjatë stuhisë u evakuan”, njoftuan punonjësit e shpëtimit. Kërkimet për të zhdukurit vazhdojnë në bashkëpunim me policinë. Kryqi i Kuq Italian ka marrë rreth 120 të evakuuar dhe i ka strehuar në kampin e tij dhe hotelet e zonës. Videot në mediat sociale tregojnë masa të mëdha balte që rrotullohen nëpër rrugë, duke marrë me vete gjithçka me forcë. Disa automjete janë përfshirë gjithashtu nga orteku. ATSH