ITALI – Inflacioni i çmimeve të prodhimit arrin në 31.7%,

Inflacioni i çmimeve të prodhimit në Itali u përshpejtua në fund të vitit, i nxitur kryesisht nga rritja e çmimeve të furnizimit me energji elektrike në tregun vendas, sipas të dhënave të zyrës së statistikave të ISTAT. Të dhëna të veçanta zyrtare treguan se suficiti tregtar me vendet jashtë BE-së u zgjerua në dhjetor pasi eksportet u rritën më shpejt se importet. Indeksi i çmimeve të prodhimit u rrit 31.7% nga viti në vit në dhjetor, më shpejt se rritja e nëntorit prej 29.4%. ”Tendenca rritëse e inflacionit u nxit kryesisht nga rritja e çmimeve të furnizimit të brendshëm të energjisë elektrike”, tha zyra e statistikave. Çmimet e përgjithshme të energjisë u rritën me 71.4% me bazë vjetore në nëntor dhe rritja e çmimeve të mallrave të konsumit ishte 11.1%. Çmimet e prodhimit në tregun vendas janë rritur me 39.2% në muajin nëntor krahasuar me vitin e kaluar dhe ato në tregun e jashtëm janë rritur me 9.6%. Në bazë mujore, çmimet e prodhimit u rritën me 2.9%, pas një rritjeje prej 2.6% në nëntor. Për më tepër, kjo ishte rritja më e madhe e çmimeve që nga viti 2000. ATSH