Marina iraniane kapi një cisternë nafte në ujërat e Gjirit të Omanit pas “një urdhër gjykate” që autorizonte këtë veprim. “Marina e Republikës Islamike të Iranit ka kapur një cisternë amerikane të naftës në ujërat e Gjirit të Omanit në përputhje me një vendim gjykate”, tha agjencia zyrtare e lajmeve IRNA. Agjencia e Sigurisë Detare në Mbretërinë e Bashkuar (UKMTO) dhe kompania private Ambrey kishin njoftuar më parë se persona të armatosur me uniformë ushtarake kishin hipur në një cisternë nafte në Gjirin e Omanit. Sekuestrimi ndodhi si hakmarrje për “vjedhjen” e naftës nga e njëjta cisternë nga Shtetet e Bashkuara të Amerikës vitin e kaluar.
