Investim prej 75 milionë euro për mbrojtjen e kufirit lindor

Polonia ka planifikuar vendosjen e kamerave të sigurisë dhe detektorëve lëvizës në të gjithë kufirin lindor, për shkak të kërcënimeve ndërkombëtare të sigurisë, një investim që arrin vlerën e 75 milionë eurove. Sipas gazetës “Rzeczpospolita”, vendi ka planifikuar të ndërtojë një barrierë të madhe elektronike në kufirin rus, për të marrë nën mbrojtje kufirin prej 200 kilometrash. Gjithashtu, është planifikuar që ky sistem i mbrojtjes elektronike të hyjë në funksion në shtator të vitit 2023. Kufiri do të pajiset me masa të ndryshme sigurie elektronike si, një sistem detektor, duke përfshirë senzorë sizmikë dhe kamera të natës, për të verifikuar sinjalet hyrëse. Sipas zyrtarëve, do të përdoren algoritme të veçanta për të dalluar hapat e individëve nga zërat e shkaktuar nga kafshët e egra. Polonia është përpjekur të parandaloje kontrabandën duke instaluar një sistem të ngjashëm në kufirin me Ukrainën disa vite më parë.https://ata.gov.al/2022/11/02/poloni-investim-prej-75-milione-eurosh-per-mbrojtjen-e-kufirit-lindor/