Pas asaj paraqitje të mirë në Champions League, në të dy sfidat me Barcelonën, Interi tregon vazhdueshmëri edhe në Serie A. Skuadra e Inzaghit ka mundur 2-0 Salernitanën, në një ndeshje të luajtur në San Siro të mbushur plot. Futbollistët e Interit tregojnë se po kalojnë një formë të mirë, pasi kalojnë në avantazh që në 13’. Eshtë Lautaro Martinez që me të djathtën mposht Sepen dhe 1-0. Pas një dominimi total në pjesën e parë, Interi tregon superioritet edhe në 45 minutat e dyta. Në këtë fraksion loje, është Barella ai që mendon për të shënuar golin e dytë. Falë një topi perfekt të dhënë nga Calhanoglu, e Barella tepër i saktë shënon. 2-0 për Interin dhe Inzagi me futbollistët e tij ngjiten në kuotën e 18 pikëve në klasifikimin e Serie A. Pas kësaj fitoreje, Interi duket se e ka arkivuar përfundimisht krizën.https://sport.rtsh.al/artikull/interi-eshte-rikthyer-lautaro-e-barella-godasin-salernitanen
- Advertisment -