Inteligjenca artificiale, Gjermania rrit përdorimin

Rreth 13% e kompanive gjermane aktualisht po përdorin inteligjencën artificiale (IA), ndërsa rreth 9% planifikojnë ta bëjnë këtë shumë shpejt. Të dhënat vijnë nga një sondazh i bërë publik nga instituti i kërkimit ekonomik IFO. Në industri, një në tre kompani po përdor IA ose planifikon ta përdorë atë, ndërsa rreth 20% e kompanive në sektorin e shërbimeve dhe shitjes me pakicë dhe 15% e kompanive të ndërtimit e përdorin atë. Megjithatë, për rreth 40% të kompanive në Gjermani, IA nuk luan asnjë rol momentalisht, ndërsa në sektorin e ndërtimit, kjo përqindje është 60%. Sistemet e bazuara në IA përpunojnë sasi të mëdha të dhënash me ndihmën e algoritmeve në mënyrë që të marrin vendime shpejt me analiza të automatizuara. Në sondazhin në muajin qershor të këtij viti, IFO pyeti rreth 9 000 kompani nëse përdorinin inteligjencën artificiale, planifikojnë ta përdorin atë, po e diskutojnë apo nuk po angazhohen fare me të. RTSH