INSTAT: Eksportet e mallrave u rritën me 35 %

Eksportet e mallrave arritën vlerën 404 miliardë lekë, gjatë 10-mujorit janar-tetor të këtij viti, duke u rritur me 35%, në krahasim me të njëjtën periudhë të një viti më parë. INSTAT publikoi sot raportin “Tregtia e jashtme” për 10-muajin 2022, sipas të cilit grupet që kanë ndikuar pozitivisht në rritjen vjetore të eksporteve, janë “Minerale, lëndë djegëse dhe energji elektrike” me 10.1 %, “Materiale ndërtimi dhe metale” me 9.3 % dhe “Tekstile dhe këpucë” me 6.6 %. Ndërkohë, importet e mallrave arritën vlerën 778 miliardë lekë, duke u rritur me 23.1 %, në krahasim me një vit më parë. Sipas INSTAT-it, në nivelin e importeve kanë ndikuar pozitivisht grupet “Minerale, lëndë djegëse dhe energji elektrike” me 10.2 %, “Materiale ndërtimi dhe metale” me 4.1 % dhe “Ushqime, pije, duhan” me 3.1 %. Deficiti tregtar, bën të ditur INSTAT arriti vlerën 374 miliardë lekë, duke u rritur me 12,4%, krahasuar me të njëjtën periudhë të 2021.https://ata.gov.al/2022/11/17/instat-eksportet-e-mallrave-u-rriten-me-35/