Inflacioni do të mbetet në nivel dyshifror deri në fund të këtij viti në Poloni, me një rritje të lehtë në gusht dhe rënie në tremujorin e katërt, bëri të ditur sot Instituti Polak i Ekonomisë, një qendër studimore shtetërore, duke iu referuar të dhënave më të fundit të Institutit Qendror të Statistikave (GUS). GUS raportoi më herët se çmimet e mallrave dhe të shërbimeve në korrik u rritën me 15.6 % krahasuar me të njëjtën periudhë të vitit të kaluar dhe me 0.5% krahasuar me muajin qershor, një rritje më e lartë se parashikimi për inflacionin vjetor prej 15.5% dhe atë mujor prej 0.4%. Sipas Institutit Polak të Ekonomisë, inflacioni do të pësojë një rënie të lehtë në tremujorin e katërt të këtij viti, por megjithatë do të mbetet në nivele dyshifrore edhe për muajt e mbetur të vitit.
- Advertisment -