Inflacioni i çmimeve të konsumit në Suedi u përshpejtua, siç pritej, në nëntor duke regjistruar nivelin më të lartë në gati 32 vjet, i ndikuar kryesisht nga kostot e larta të ushqimeve, pijeve joalkoolike dhe shërbimeve komunale, kryesisht të energjisë elektrike, sipas Zyrës së Statistikave të Suedisë. Çmimet e konsumit u rritën me 11,5% në terma vjetore, në nëntor, krahasuar me 10,9% në tetor. Kjo ishte në përputhje me parashikimin e ekonomistëve. Inflacioni i fundit ishte më i larti që nga shkurti i vitit 1991, kur çmimet u rritën me 13,1%. Çmimet e ushqimeve dhe pijeve joalkoolike u rritën me 18,1% krahasuar me një vit më parë, dhe kostot e transportit gjithashtu shënuan një rritje prej 10,3% për shkak të rritjes së çmimeve të karburanteve. Kostot e banesave gjithashtu u rritën ndjeshëm me 9,8%, të ndikuara nga një rritje prej 36,8% në çmimet e energjisë elektrike. Në baza mujore, çmimet e konsumit u rritën me 1% në nëntor krahasuar me 0,2% në tetor. Çmimet parashikohej të rriteshin me 0,7%.https://ata.gov.al/2022/12/14/suedi-inflacioni-ne-nivelin-me-te-larte-qe-nga-shkurti-1991/
Per informacionet me te fundit klikoni:
Subscribe kanalin tone ne: youtube@Mhttps://https://www.youtube.com/channel/UCWwrJDjETE4qQxY8t6DPb5g
Web@https://meteoalb.com/
Facebook@https://www.facebook.com/meteoalb/
Facebook@https://www.facebook.com/meteoalb.moti/
Instagram@https://www.instagram.com/moti.meteoalb/
APPI@https://play.google.com/store/apps/details?id=com.meteoalb.app
APPI@https://apps.apple.com/us/app/meteoalb/id1633817605
