IDMC: 71,1 milionë persona të zhvendosur

Konfliktet, uria dhe ndryshimet klimatike çuan në një numër rekord të personave të zhvendosur brenda vendit në vitin 2022, sipas një raporti të lëshuar nga Qendra e Monitorimit të Zhvendosjeve të Brendshme (IDMC) në Gjenevë të enjten. Numri i njerëzve të zhvendosur në atdheun e tyre u rrit në 71,1 milionë vitin e kaluar. Kjo është një rritje prej 20% që nga viti 2021. Më shumë se kurrë është dashur të ikin brenda një periudhe 12 mujore, 60,9 milionë njerëz. Shumë u zhvendosën më shumë se një herë. Vetëm në Ukrainë, rreth 5,9 milionë persona u zhvendosën brenda vendit për shkak të ofensivës ruse vitin e kaluar. Disa milionë njerëz gjithashtu ikën jashtë vendit nga Ukraina. Sipas Agjencisë së Kombeve të Bashkuara për Refugjatët (UNHCR), rreth 5,0 milionë persona u morën në mbrojtje në Evropë. Megjithatë, raporti i IDMC ka të bëjë ekskluzivisht me personat e zhvendosur që kanë mbetur në vendin ku kanë jetuar më parë. Rreth 28,3 milionë u zhvendosën nga konflikti dhe dhuna në vendin e tyre në vitin 2022, pothuajse dy herë më shumë se një vit më parë. Rreth 32,6 milionë u detyruan të largoheshin nga shtëpitë e tyre për shkak të fatkeqësive natyrore dhe klimatike, 40% më shumë se në vitin 2022. Kjo u shkaktua nga fatkeqësitë natyrore si thatësirat dhe përmbytjet. Raportet përmendën 10 vende që kanë probleme të rënda të zhvendosjes së brendshme, Siria, Afganistani, Republika Demokratike e Kongos, Ukraina, Kolumbia, Etiopia, Jemeni, Nigeria, Somalia dhe Sudani. atsh