Njësitë izraelite po “zgjerojnë” operacionet e tyre në zonën përreth qytetit të Khan Younis në Rripin jugor të Gazës, deklaruan Forcat e Mbrojtjes të Izraelit (IDF) në X, pa dhënë detaje të mëtejshme. ”Trupat eliminuan dhjetëra terroristë përmes sulmeve ajrore, snajperistëve dhe tankeve. Dhjetra anëtarë të Hamasit janë vrarë në beteja të ndryshme në Rripin verior të Gazës”, theksoi IDF. Udhëheqësit e Hamasit besohet se fshihen në Khan Younis, ku IDF aktualisht po përqendron forcat e saj. IDF urdhëroi banorët e qytetit të niseshin për në Rafah, në jugperëndim, në kufirin me Egjiptin.
