Irani ka rritur ndjeshëm rezervat e tij të uraniumit të pasuruar në muajt e fundit duke vazhduar përshkallëzimin e tij bërthamor edhe pse mohon se planifikon të prodhojë bombën atomike, sipas një raporti konfidencial nga Agjencia Ndërkombëtare e Energjisë Atomike (IAEA). Stoqet qëndruan në 5 525 kilogramë që nga 10 shkurti (krahasuar me 4 486 kilogramë në fund të tetorit), më shumë se 27 herë kufiri i autorizuar nga marrëveshja ndërkombëtare e vitit 2015 që rregullon aktivitetet atomike të Teheranit në këmbim të heqjes së sanksioneve ndërkombëtare.
”Deklaratat publike të bëra në Iran në lidhje me aftësitë e tij teknike për të prodhuar armë bërthamore vetëm sa rrisin shqetësimet e IAEA-së për korrektësinë dhe plotësinë e deklaratave të Iranit”, thuhet në raportin konfidencial. Drejtori i përgjithshëm i IAEA-së, Rafael Grossi i bën thirrje edhe një herë Teheranit të “bashkëpunojë plotësisht”.
