IAEA: Në Libi janë zhdukur 2,5 tonë uranium

Inspektorët në Agjencinë Ndërkombëtare të Energjisë Atomike (IAEA) zbuluan këtë javë se 2,5 tonë uranium, i ruajtur në 10 fuçi, nuk ishin më në vendin e caktuar, konfirmoi dje në mbrëmje një zëdhënës i IAEA-s. “Aktivitete të tjera do të kryhen nga agjencia për të sqaruar rrethanat e zhdukjes së materialit bërthamor dhe vendndodhjen e tij aktuale”, tha zëdhënësi në Vjenë. Koncentrati i mineralit të uraniumit është pak radioaktiv, por asnjë reaksion zinxhir bërthamor nuk mund të shkaktohet në material. Për të përdorur koncentratin për centralet bërthamore ose për armët bërthamore, fillimisht ai duhet të përpunohet në objekte teknike komplekse duke ndjekur një sërë hapash. Lufta civile prej shumë vitesh në Libi, ka shkaktuar kaos dhe paqëndrueshmëri politike. Në vitin 2003, Libia braktisi programin e saj sekret për të prodhuar armë bërthamore. Nën drejtimin e diktatorit të atëhershëm Moamer Gaddafi, mbi 2 000 tonë koncentrat i mineralit të uraniumit u importuan nga Nigeria në vitet 1970 dhe 1980. atsh