Polonia dhe Hungaria kanë bllokuar deklaratën e planifikuar për politikën e migracionit në samitin e Bashkimit Evropian në Granadë, në Spanjë.
Kjo është hera e dytë brenda pak muajsh që të dy vendet bllokojnë deklaratën e përbashkët të liderëve të BE-së për migracionin për shkak të pikëpamjeve të ndryshme.
Deklarata kryesisht simbolike e së premtes ra viktimë e një mosmarrëveshjeje të vazhdueshme mbi mënyrën e reformimit të rregullave të azilit dhe migracionit në bllok.
Kryeministri hungarez, Victor Orbán kishte sinjalizuar se nuk ishte i gatshëm të bënte kompromis.
Ai shprehu zemërimin se vendimet e rëndësishme për paketën e planifikuar të reformës së gjerë të migracionit ishin marrë së fundmi me shumicë votash kundër vullnetit të Hungarisë dhe Polonisë.
Orbán këmbëngul se këto vendime duhet të ishin marrë me konsensus, duke argumentuar se vendi i tij ishte “dhunuar ligjërisht” në proces.
Kryeministri polak, Mateusz Morawiecki gjithashtu nuk e mbështeti deklaratën.
Bllokimi i deklaratës së përbashkët të planifikuar për migracionin nuk ka ndikim të menjëhershëm në punën e vazhdueshme për paketën e reformës.
