Humbjet financiare nga fatkeqësitë natyrore në rritje

Humbjet financiare të shkaktuara nga fatkeqësitë natyrore po rriten në mbarë botën, sipas një studimi të kompanisë gjermane e ri-sigurimeve “Munich Re”. “Vitin e kaluar, përmbytjet, stuhitë, zjarret në pyje dhe fatkeqësi të tjera natyrore shkaktuan një humbje prej 270 miliardë dollarësh në mbarë botën”, tha “Munich Re”. Sipas kompanisë, kjo shifër ishte më e vogël se ajo në vitin 2021, ku u shkaktua një dëm financiar prej 320 miliardë dollarësh, dhe në përputhje me pesë vitet e fundit ku u regjistruan “humbje intensive”. Katastrofa më e kushtueshme e vitit 2022, me vlere 100 miliardë dollarë, ishte uragani “Ian” që goditi Bregun Lindor të SHBA-së, në fund të shtatorit të kaluar. Nga humbjet totale prej 270 miliardë dollarësh të regjistruara vitin e kaluar, rreth 120 miliardë dollarë prej tyre ishin të siguruara, që do të thotë se fatkeqësitë natyrore janë gjithashtu një barrë e madhe financiare për kompanitë e sigurimeve. “Humbja vjetore për industrinë e sigurimeve arrin në 100 miliardë dollarë”, tha Ernst Rauch, shefi i klimës dhe gjeoshkencëtari në “Munich Re”. “Ne e kemi tejkaluar këtë kufi pesë herë, në të kaluarën e afërt”, tha Rauch. ATA