Mbi 29 000 emigrantë kanë mbërritur në Mbretërinë e Bashkuar këtë vit pasi kaluan La Manshin duke përfshirë edhe 500 të tillë vetëm në një ditë.
Të dhënat e ”Home Office” tregojnë se 509 njerëz e bënë udhëtimin të enjten me 11 varka, duke e çuar totalin e përkohshëm për vitin 2024 deri më sot në 29 154.
Kjo është 10% më shumë se 26 501 të regjistruara në këtë kohë vitin e kaluar, por 24% më pak se 38 129 personat që bënë udhëtimin në këtë fazë në 2022.
Kalimet e fundit nënkuptojnë se rreth 1 000 njerëz kanë mbërritur brenda tre ditëve deri më tani këtë javë.
Kjo vjen pasi roja bregdetare franceze tha se ”shpëtoi 76 emigrantë në tre varka të enjten pasi ata kërkuan ndihmë kur u gjendën në vështirësi gjatë përpjekjes për udhëtimin”.
Ata u kthyen në Calais, por disa persona të tjerë në dy nga varkat refuzuan ndihmën dhe, sipas një përkthimi të deklaratës së rojes bregdetare, u mor vendimi për të lejuar ata që mbetën të vazhdonin udhëtimin e tyre, duke pasur parasysh rrezikun e lëndimit ose rënies në detit po të kishin ndërhyrë ekuipazhet.
Shpëtimi vjen vetëm një ditë pas vdekjes së tre emigrantëve, me dhjetëra të tjerë të shpëtuar, kur një varkë u mbyt duke u përpjekur të arrinte në ishull dhe vetëm një javë pas vdekjes së një foshnjeje të porsalindur në një tjetër incident të ngjashëm.
