Menjëherë pas sulmeve shkatërruese kibernetike kundër qeverisë shqiptare në mes të korrikut, Ekipi i Zbulimit dhe Reagimit të Microsoft (DART) u angazhua nga qeveria shqiptare për të drejtuar një hetim mbi sulmet. Në kohën e sulmeve dhe angazhimit nga qeveria shqiptare, Microsoft deklaroi publikisht se “Microsoft është i përkushtuar të ndihmojë klientët tanë të jenë të sigurt duke arritur më shumë. Gjatë këtij aktiviteti, ne mobilizuam shpejt Ekipin tonë të Zbulimit dhe Reagimit (DART) për të ndihmuar qeverinë shqiptare që të rimëkëmbet me shpejtësi nga ky sulm kibernetik. Microsoft do të vazhdojë të bashkëpunojë me Shqipërinë për të menaxhuar rreziqet e sigurisë kibernetike, ndërkohë që do të vazhdojë të përmirësojë mbrojtjen nga sulmuesit me qëllim të keq.” Hetimi i Microsoft Microsoft vlerësoi me besim të plotë se më 15 korrik 2022, aktorë të sponsorizuar nga qeveria iraniane kryen një sulm kibernetik shkatërrues kundër qeverisë shqiptare, duke prishur faqet e internetit të qeverisë dhe shërbimet publike. Në të njëjtën kohë, dhe përveç sulmit shkatërrues kibernetik, MSTIC vlerësoi se një aktor i veçantë i sponsorizuar nga shteti iranian ka publikuar informacione të ndjeshme, që ishin marrë muaj më parë. Uebfaqe të ndryshme dhe media sociale u përdorën për të nxjerrë këtë informacion.https://lajme.rtsh.al/artikull/hetimi-i-microsoft-sulmi-masiv-kibernetike-kunder-shqiperise-u-krye-nga-qeveria-iraniane
- Advertisment -