Greqia i përgjigjet kërkesës së Shqipërisë me një avion Canadair

Greqia i është përgjigjur kërkesës së Agjencisë së Mbrojtjes Civile të Shqipërisë me një avion Canadair për ndërhyrje nga ajri në vatrën e zjarrit në Pishë Poro, në Fier. Lajmin e bëri të ditur ministri i Mbrojtjes, Niko Peleshi, i cili falënderoi fqinjët tanë, për ndihmën në kuadër të Mekanizmit Evropian të Mbrojtjes Civile. Më herët Peleshi u shpreh se, 160 efektivë të Forcave të Armatosura, disa mjete zjarrfikëse e mjete të rënda iu bashkuan gjatë këtyre ditëve rreth 180 forcave zjarrfikëse dhe trupave të emergjencave civile të bashkisë së Fierit në aksionin për shuarjen e flakëve në Pishë Poro.