Google heq mbi 17 milionë reklama për luftën në Ukrainë

Në vitin 2022, gjigandi Google hoqi më shumë se 5.2 miliardë reklama dhe pezulloi 6.7 milionë llogari reklamuesish për shkelje të politikave të saj të sigurisë. Në veçanti, më shumë se 17 milionë reklama në lidhje me luftën në Ukrainë u bllokuan sipas politikës së ngjarjeve të ndjeshme. Këto janë disa nga numrat që përmban Raporti i Sigurisë së Reklamave, të cilin kompania përgatit periodikisht. “Që nga fillimi i luftës në Ukrainë, ne kemi vepruar për të ndaluar reklamat që shfrytëzojnë, injorojnë ose justifikojnë luftën – shkruan Alejandro Borgia nga kompania Google. Ne gjithashtu kemi pezulluar shumicën e aktiviteteve tona tregtare në Rusia në produktet tona – duke përfshirë pezullimin e shfaqjes së reklamave në Rusi dhe reklamat nga reklamuesit me bazë në Rusi, si dhe pezullimin e fitimit të parave të mediave të financuara nga shteti ruse në platformat tona”, shtoi ai. Gjatë gjithë vitit 2022, ne kemi qëndruar vigjilentë në zbatimin e këtyre politikave dhe kemi bllokuar më shumë se 17 milionë reklama të lidhura me luftën në Ukrainë sipas politikës sonë të ngjarjeve të ndjeshme. Përveç kësaj, ne hoqëm reklamat nga më shumë se 275 sajte mediatike të financuara nga shteti rus në platformat tona”, shtoi ai. atsh