Gjermania nën shënjestrën e ekstremistëve

Arrestimi i shtatë anëtarëve të një celule të dyshuar terroriste në Gjermaninë perëndimore është një goditje e rëndësishme kundër terrorizmit islamist, tha sot ministrja e Brendshme, Nancy Faeser. “Gjermania do të vazhdojë të mbajë një qëndrim të ashpër kundër ekstremizmit islamik”, tha Faeser në një deklaratë, duke e përshkruar kërcënimin si akut. “Gjermania është ende nën shënjestrën e drejtpërdrejtë të organizatave terroriste islamike dhe autorëve individualë të motivuar nga islamistët”, tha Faeser. “Arrestimet tregojnë se lufta kundër terrorizmit islamik mbetet në fokus të shërbimeve tona të sigurisë”, tha Faeser. Ajo shtoi se arrestimi i koordinuar i të dyshuarve të tjerë në Holandë, tregon një bashkëpunim të ngushtë ndërkombëtar për këtë çështje. atsh