Gjermania do të marrë rolin udhëheqës në mbrojtjen e Balltikut

Ministri gjerman i Mbrojtjes, Boris Pistorius ka siguruar aleatët e NATO-s në shtetet baltike se mund të mbështeten te Gjermania kur bëhet fjalë për frenimin e Rusisë. “Gjermania po merr përgjegjësinë dhe një rol udhëheqës në mbrojtjen e Balltikut”, tha sot Pistorius në një konferencë sigurie në kryeqytetin estonez të Talinit. Pistorius siguroi gjithashtu Ukrainën për mbështetje afatgjatë në mbrojtjen e saj kundër forcave ruse. “Ne do të qëndrojmë në krah të tyre për aq kohë sa do të nevojitet”, tha ai. Pistorius paralajmëroi për pasoja të tmerrshme nëse presidenti rus Vladimir Putin ia arrin qëllimeve të tij. “Putini po përdor metoda të neveritshme, kriminale dhe çnjerëzore”, tha Pistorius. Ai rikonfirmoi planet për vendosjen e një brigade të Bundeswehr-it në Lituani. Planet parashikojnë vendosjen e 4 000 burrave dhe grave të Bundeswehr-it, si dhe familjet e tyre në vend. “Ne do të stacionojmë ushtarakë dhe gra gjermane në Lituani sapo të krijohet infrastruktura e nevojshme”, tha Pistorius.