GJERMANI-Mjekët në grevë për rritje pagash

Rreth 1 000 mjekë dolën sot në grevë në disa spitale komunale në North Rhine-Westphalia dhe Rheinland-Pfalz, sipas një zëdhënësi të sindikatave. ”Stafi në 33 spitale iu bashkua grevës herët në mëngjes”, sipas zëdhënësit të sindikatës Marburger Bund, i cili bëri thirrje për greva mbarëkombëtare mes një mosmarrëveshjeje për pagat. ”Shumica e mjekëve u nisën për në Frankfurt për të marrë pjesë në një tubim qendror në mesditë”, tha zëdhënësi. ”Përveç kësaj, më shumë se 200 mjekë në North Rhine-Westphalia po bëjnë grevë në gjashtë vendet në Bad Oeynhausen, Detmold, Bielefeld, Gelsenkirchen, Neuss dhe Marl”, tha ai. Një miting lokal me rreth 100 pjesëmarrës do të mbahej në mesditë në Neuss. Protesta e fundit ka qenë në fund të marsit. ”Punëdhënësit nuk kanë paraqitur ende një ofertë përpara raundit të pestë të negociatave që do të fillojë më 22 maj”, tha zëdhënësi. Sindikata ”Marburger Bund” po kërkon kompensim retroaktiv për inflacionin dhe një rritje lineare prej 2,5% të pagave për rreth 55 000 mjekë në spitalet bashkiake në të gjithë Gjermaninë. Federata e Shoqatave të Punëdhënësve Komunal i hedh poshtë këto kërkesa si të tepruara. atsh