Java Kulturore Greke, e cila nis më 23 e do të vijojë deri në datën 29 maj, është ndalur sot në pedonalen e Tiranës. Qytetarë të shumtë kanë parë dhe shijuar gastronominë e shumëllojshme greke. Në pedonalen e Tiranës në stenda të ndryshme u prezantuan ushqime dhe produkte tradicionale të Greqisë. Vaji i ullirit, mjalti, pije të ndryshme ku karakteristike është Uzo dhe mjaft gatime interesante u shijuan nga qytetarët e shumtë që kishin mbushur sot pedonalen. Java Kulturore Greke, po vijon aktivitetet e saj nga 3 vende të ndryshme: Tiranë, Korçë dhe Dropull. Gjatë këtyre ditëve në kuadër të kësaj jave ka patur evente të shumta si, koncerte, ekspozita, gastronomi, sport, kercime popullore, kinema e teatër. atsh
- Advertisment -