Prej 9 marsit të këtij viti ka hyrë në fuqi ligji “Për profesionin e ndërmjetësit të pasurive të paluajtshme”, ku Ministria e Drejtësisë është garante si organ mbikëqyrës për zbatimin e plotë të ligjit. Ministri i Drejtësisë, Ulsi Manja ndau sot në rrjetet sociale një video ku shpjegohen përfitimet e qytetarëve prej këtij ligji. “Ti ke vendosur të blesh një shtëpi dhe për të bërë investimin më të madh të jetës tënde ke nevojë për këshillim profesional. Me qëllim shmangien e informalitetit në tregun e pasurive të paluajtshme Ministria e Drejtësisë ka hartuar ligjin për rregullimin e profesionit të ndërmjetësit të pasurive të paluajtshme, i cili pas miratimit në Kuvend ka hyrë në fuqi më 9 mars të vitit 2022”, thuhet në videon e publikuar nga Manja. “Ligji garanton ligjshmërinë në ushtrimin e profesionit të ndërmjetësit të pasurive të paluajtshme, duke mbrojtur si interesat e ligjshme të ndërmjetësve të certifikuar për ushtrimin e këtij profesioni, ashtu edhe të çdo qytetari ose qytetareje që dëshiron të kryejë një veprim juridik me objekt një pasuri të paluajtshme. Me qëllim ushtrimin e profesionit në përputhje me kuadrin ligjor çdo ndërmjetës duhet të certifikohet nga Ministria e Drejtësisë përpara ushtrimit të profesionit si edhe të kryejë trajnime për t’u mundësuar qytetarëve shërbim cilësor. Ligji parashikon qartë elementet e detyrueshme të kontratës mes palëve, duke u dhënë siguri qytetarëve për kontratën që ata lidhin me një ndërmjetës të certifikuar. Zbatimi i plotë i ligjit garantohet nga MD si organ mbikëqyrës, i cili me qëllim mbrojtjen dhe garantimin e të drejtave të qytetarëve, mund të ndëshkojë ndërmjetësin me masa disiplinore nga gjobë e deri në heqje të certifikimit kur konstaton shkelje”, theksohet në videon e publikuar nga Manja. “Zgjidhni një ndërmjetës të certifikuar për të investuar në një pasuri të paluajtshme. Kështu ne sigurohemi që ti merr një shërbim profesional dhe etik”, përfundon videoja e publikuar nga Manja.https://ata.gov.al/2022/08/29/md-garante-per-zbatimin-e-ligjit-per-ndermjetesit-e-pasurive-te-paluajtshme/
- Advertisment -
Recent Comments
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER