G7: Rusia të paguajë për dëmin që i ka shkaktuar Ukrainës

Çdo zgjidhje e konfliktit në Ukrainë duhet të sigurojë që Rusia të paguajë për dëmin që ka shkaktuar, sipas një deklarate të përbashkët të vendeve të G7, në Japoni. “Ne zotohemi të mbështesim Ukrainën për aq kohë sa është e nevojshme, dhe të ofrojmë mbështetje të vazhdueshme ushtarake, ekonomike dhe institucionale për të ndihmuar Ukrainën të mbrohet, të sigurojë të ardhmen e saj të lirë dhe demokratike, dhe të pengojë agresionin e ardhshëm rus”, thuhet në deklaratë. “Gjithashtu, G7 mbetet e përkushtuar për të shtuar sanksionet kundër Rusisë”, sipas deklaratës. atsh