Fshati Labinot Mal pas 20 vitesh me rrugë rurale

Lamolla, fshati i largët i Labinotit Mal, pas 20 vitesh do të ketë rrugë rurale. Kryetari i bashkisë së Elbasanit, Gledian Llatja ka shkuar në fshatin e largët për të falënderuar të gjithë komunitetin e banorëve te asaj zone që iu bashkuan vullnetarisht ekipit të Agjencisë së Shërbimeve Publike, që po hap një rrugë rurale e cila e kishte lënë 20 vite në harresë këtë zonë. “Edhe pse kemi kaluar vite të vështira me pandeminë, por edhe tërmetet, ne kemi vazhduar punën duke hapur rrugë të reja, edhe në Labinot Mal. Prioritet i imi si kryetar bashkie është të ndihmoj banorët, zonat të cilat kanë problematika të mëdha të mbartura prej vitesh. Bashkë me banorët do t’i zgjidhim të gjitha problemet që ata kanë”, tha Llatja. Sipas tij, bashkia do të vazhdojë të investojë dhe do të jetë gjithnjë në gatishmëri për të gjithë zonat si afër dhe larg qytetit.https://ata.gov.al/2022/08/25/fshati-labinot-mal-pas-20-vitesh-me-rruge-rurale/