Ligjvënësit francezë do të diskutojnë sot projektligjin që ndalon diskriminimin ndaj strukturës, gjatësisë, ngjyrës ose stilit te flokëve të dikujt, sipas AP. Autorët e tij thanë se masa novatore dërgon një mesazh mbështetjeje për njerëzit me ngjyrë dhe të tjerët që janë përballur me armiqësi në vendin e punës dhe më gjerë për shkak të flokëve të tyre. Projektligji i bën jehonë legjislacionit të ngjashëm në më shumë se 20 shtete të SHBA-së. Projektligji u propozua nga Olivier Serva, një ligjvënës francez nga ishulli francez i Karaibeve, Guadeloupe, i cili tha se nëse ai miratohet do ta bënte Francën, vendin e parë në botë që njeh diskriminimin në bazë të flokëve në nivel kombëtar.
Projektligji do të ndryshojë masat ekzistuese kundër diskriminimit në kodin e punës dhe kodin penal për të nxjerrë jashtë ligjit në mënyrë eksplicite diskriminimin ndaj njerëzve me flokë me kaçurrela ose modele flokësh të tjera të perceptuara si joprofesionale, si dhe ndaj njerëzve pa flokë. Ai nuk synon në mënyrë specifike diskriminimin me bazë racore, megjithëse ky ishte motivimi kryesor për projektligjin.
