“Forbes” shpall ,“Gruan më të fuqishme në botë për 2022”

Revista “Forbes” ka shpallur presidenten e Komisionit Europian, Ursula Von Der Leyen “Gruan më të fuqishme në botë për 2022”. Në një vit të shënuar nga trazira ekonomike, lufta në Ukrainë dhe pandemia e vazhdueshme Covid-19, udhëheqësja e parë femër e Komisionit Evropian ka treguar qëndrueshmëri dhe forcë. E zgjedhur në krye të KE në 2019, Von der Leyen menaxhon më shumë se 300 miliardë dollarë në vit për BE-në, punon për arritjen e konsensusit mes 27 krerëve të shteteve që përfaqësojnë 450 milionë njerëz. Sipas Forbes, Von der Leyen ka qëndruar e fortë për të përkrahur Ukrainën dhe në një kohë kur me mijëra qytetarë të BE përballen me një dimër të ftohtë pa gazin natyror rus presidentja e KE ka qenë në gjendje t’i mbledhë ata njerëz për të bërë sakrificat e nevojshme për të qëndruar të bashkuar kundër Putinit. Vitin e kaluar, Von der Leyen ishte në vendin e 8-të në listën e Forbes të 100 grave më të fuqishme në botë. Këtë vit, ajo qëndron në vendin e parë si rezultat i mbështetjes së saj të fortë dhe vendimtare për Ukrainën si dhe përballimin e pandemisë COVID-19.https://lajme.rtsh.al/artikull/-forbes-shpall-ursula-von-der-leyen-gruan-me-te-fuqishme-ne-bote-per-2022-