Fitimi i sektorit bankar për pesë muajt e parë të këtij viti shënoi vlerën 5.64 miliardë lekë. Banka e Shqipërisë bën të ditur se, krahasuar me të njëjtën periudhë të një viti më parë, ky tregues rezulton me rënie të lehtë 29 %. Ekspertët e bankave shprehen se, rënia e fitimeve mund të jetë e lidhur me një qasje më të kujdesshme që sistemi bankar po merr kundrejt rreziqeve në rritje të lidhura me inflacionin e lartë, pasi sipas tyre, treguesi kryesor që mat cilësinë e aktiveve të sektorit bankar, raporti i kredive me probleme, aktualisht nuk ka shfaqur ndryshime. Fitimet në sistemin bankar lidhen me standardet ligjore të raportimit për bankat që janë Standardet Ndërkombëtare të Raportimit Financiar (IFRS) dhe kanë për qëllim mbikëqyrjen dhe orientimin për tendencën e performancës së sistemit.
https://ata.gov.al/2022/07/13/fitimi-i-sektorit-bankar-5-64-miliarde-leke/
